Pencet Bintang

Kintunan Jack Bluesman

POe sabtu isuk2, Uhe panggih jeung Tengfu Fabianda nu katelah disebut Mang Anda..

Mang Anda: "Kunaon maneh geus muyung kitu He, jiga hayam nu keur pilek wae?"
Uhe: "ieu HP abdi, ngeusian pulsa ka Mang Jurex teu asup2 wae ti mangkukna.."
Mang Anda: "geus nyobaan nelepon ka Customer Service na acan?"
Uhe: "Atos ti kamari oge, ngan abdi dibohongan!"
Mang Anda: " Di bohongan kumaha?"
Uhe: "Saurna upami bade nyarios sareng Operator kedah neken pager, ieu abdi ti kamari haben neken pager bumi mitoha ge teu aya gening eta Operator nu kaluar, dugi ka abdi diseuseulan ku mitoha gara2 pager bumina dengdek kieu.."
Mang Anda: "Beu! Untung keneh Uhe, maneh teu dititah neken bintang!"
Uhe: " Na kumaha kitu Mang?"
Mang Anda: "Nya kacipta weh mun dititah neken bintang, ilaing kudu hiber atuh ka awang-awang.."
Uhe: ???? ooohhh... enya nya... (bari ngahuleng, da angger teu ngarti..)

Bacaan keur Nu Gelo

Kintunan : ABAH AMIN

Aya 2 urang nu gelo rek deukeut ka cageur, sok matuh nangkring di pos ronda Rancabanyol. Katingal maranehna gulinggasahan, kesel euweuh kagiatan.

"Geus urang maen catur, yu?" ceuk nu gelo kahiji nu baheulana pernah cicing di Jepun.
"Hayu wae. Tapi papan caturna oge panan euweuh!" ceuk nu gelo kadua nu baheulana jadi paraji sunat/bengkong.
"Eh, panan urang-urang bisa gelo ge, lain bakat ku pinter? IQ-na gede teuing? Naon hesena atuh make catur bayangan alias catur buta?" ceuk nu gelo kahiji.
"Heueuh, bener! Geus we aya na pikiran urang we bidak jeung papanna mah! Paling make patokan lengkah A1, B1, C1...jst. OK deh!" ceuk nu gelo kadua bari diuk pahareup-hareup. Maranehna anteng mikir. Ma'lum catur bayangan, anu gerakna ge ngan ramo. Mindahkeun kuda, benteng, nepi ka raja kabehanana ngan aya na bayangan. Aya kana dua jam maranehna catur, nepi:
"Skak mat euy! Eleh maneh!!" ceuk nu gelo kahiji. Nu gelo kadua ngaku eleh. Tuluy maranehna cengkat, arindit ka walungan... rek ngojay.

Karek ge maranehna ingkah 100 meteran ti pos ronda. Aya Hansip Benno ngadatangan pos ronda. Manehna gogodeg bari nulak cangkeng, tuluy ngageroan nu gelo duaan:
"Euy!! Bereskeun atuh geus catur teh! Ieu pion nepi ka pabalatak kieu!!"

Nu gelo ngan patingharuleng kerung.
"Dasar hansip setrip!" ceuk nu gelo kadua bari moleskeun curukna kana tarang.

BLACK BOX

Kintunan Akoerlah

Aya tilu wanoja anu kabeneran bareng naek kapal udara, wanoja anu kahiji urang Sunda, wanoja anu kadua urang Manado, wanoja anu katilu urang Papua.
Teu puguh kunaon sababna, kapal udara anu keur ditumpakan jol gagaléongan kawas anu rék ragrag. Wanoja anu ti Sunda gentak nyokot wedak jeung lipstik tuluy dangdan.
Dua wanoja gigireunna bingung, terus nanya: “Naha manéh maké jeung dangdan?”
Wanoja Sunda: “Biasana lamun kapal ragrag, anu pangheulana disalametkeun téh anu geulis!”
Wanoja urang Manado teu bisa narima, gentak manehna muka calana na. Urang Papua anu aya digigireun na nanya: “Naha manéh maké jeung muka calana sagala?”
Wanoja Manado: “Biasana lamun kapal ragrag, anu disalametkeun pangheulana nyaeta anu pingping na bodas!”
Urang Papua embung eleh, tuluy manehna mukaan baju jeung calana katut jeroannana nepika ditaranjang, atuh meni katingali lestreng sagalana.
Dua wanoja disagigireunna reuwas, terus nanya: “Naha manéh make jeung ditaranjang sagala?”
Wanoja Papua: “Lamun kapal ragrag, anu pangheulana ditéangan teh Kotak Hitam!”

KUCIWA

ku AKOERLAH

Néng Odah ngarasa héran ku polah dununganana. Unggal-unggal manehna asup ka rohangan dununganana téh sok murageun pulpen waé. Nya terus nanya ka babaturan sakantorna nu lalaki nyaéta Kang Encuy.

Néng Odah: "Kang Cuy, naha nya unggal Odah ka kantor si boss, pasti wéh si boss sok muragkeun pulpén".

Kang Encuy : "Mémang Odah tacan apal kitu naon alesanana? éta téh si boss hayang ngintip calana jero Odah!"

"Ha..ha..berarti si boss pasti kuciwa ku Odah unggal poé atuh kang?!" ceuk Néng Odah bari nyakakak seuri.

"Kuciwa? kuciwa kumaha kitu?" ceuk Kang Encuy panasaran rada teu ngarti.

"Nya, apanan Odah mah, salila ieu ogé tara maké calana jero!" ceuk Néng Odah datar bin polos...

Ngatepel Irung

Benno B. Lawian

Arif Rahman:"Kunaon maneh teh bet ngatepel irung adi urang?,Wani mah jeung urang ulah ka budak leutik"...
Dhieka Saozan:"Naon da saya mah teu niat ngatepel irung adi maneh"
Arif Rahman:"alaaahh..tong ngabohong siah tuh saksina ge Budi Budy Trof.."
Dhieka:"Uing teh maksudna mah rek ngatepel curuk adi maneh..ngan adi manehna keur ngorong jadi we keuna kana irung"
Arif:"Dasar belegug.".*ngdegungkeun sirah Dhieka

Ciri Awak Cageur

Foel Khan Swazeneger

Di ranca banyol teh kawentar aya dokter umum jebolan california university nu masih ngora kacida nya eta dr.Is Tuning, kulantaran asa wawuh jajaka nu ngarana Ang Desta, panasaran ngahaja check-up awak ka eta dokter, da ceuk pikirna Is tunning teh pasti babaturanana waktu di IBTIDAIYAH rancabanyol. Waktu maranehna panggih bener pisan eta dokter teh tetela jeung eces sobat dalit, atuh teu burung Ang desta bungahna, pikirna bisa haratis cek-up ngamanfaatkeun sobat.
Geus tilu kali meureun anu ka itung mah, Ang desta ngan bolak balik check-up,hiji waktu anu terahir pariksa dr.Istuning rada kesel, pok nyarita:
dr.Is : karasa naon deui eung Des..geus kurumuy deui kadieu?
Ang desta: Biasa we kuring hayang cek-up awak...jaga kondisi jang kahareup kawin, meh vit.
dr. Is : kieu weh des, ari ukur cek-up awak sangkan nyaho awak urang NORMAL jeung henteuna mah bisa ku sorangan diimah!
Ang desta: Kutan? kumaha carana? naha atuh tikamari teu ngomong?
dr.Is: teu ngomong teh satadina sugan teh maneh moal mindeng kadieu, dina mindengna sugan teh rek mayar.
Ang desta: halahhh...ka babaturan meni itungan kitu, cik atuh naon nu kudu dipilampah diimah teh?
dr. Is: didinya lamun rek sare peuting siapkeun goreng jengkol sapiring, terus tambul nepi ka beak.
Ang desta: Halahhh...geuning gampang, terus kumaha saterusna?
dr.Is : isukna maneh kiih atawa ngaheujeun...lamun aroma nu kaluar bau jengkol eta tandana awak maneh NORMAL.
Ang Desta: Ari anu teu normal kumaha?
dr.Is : lamun aroma kiih maneh bau kadu montong atawa bau parfum Bulgaryekstreem atawa bau strowberry...eta tandana awak maneh teu normal, perlu diokname des!