AKI ULIN KA MALL ( bag 2)

Seratan Iwan Rudi setiawan

"Ki hayu urang jalan-jalan ka Mall, ninggali anu baharenol nerkom" Ajak incuna
"Heueuh Cu, ke ganti heula sarung", tembal si Aki bangun anu atoh
.....................................................................................
Nepi ka Mall incuna ngingetkeun si AKi, "Ki kade sarung bisi ngait kana eskalator" "Heueuh keun urang gulungkeun we" tembalna kalem

Di lantey I "Cu, ari di pasar kota mah anu ngajual baju-bajuuuu. we wungkul ngariung"
Sabari leuleumpangan si Aki teu weleh ngaggulung-gulungkeun sarungna.
Naek kana eskalator ka lantey II dina eskalator si aki ngomong deui "Duh Cu ayeuna mah anu ngajarualan calanaaa wungkul" katinggali dina kaca tembok toko anu sabudeureunana di pasangan kaca.

Pas di eskalator deuk ka lantey III " Cu.......cu........ naha geuning loba anu dagang kan...................." Cik atuh aki incu na langsung ngagebes pedah eta gulungan sarung si aki luhur teuing meh bobogaan si aki katinggali

Komentar:

-Achy Neelaa
pantesan asa tarariis,kawas aya nu ngageubeuran.....ceuk si aki teh....,

Pak Iw Deh
eyyyyyy.....achy nooong anu aki

AKI ULIN KA MALL ( bag 1)

Seratan Iwan Rudi Setiawan

"Ki hayu urang jalan-jalan ka Mall, ninggali anu baharenol nerkom" Ajak incuna
"Heueuh Cu, ke ganti heula sarung", tembal si Aki bangun anu atoh.
.......................................................................................
Nepi ka Mall panyawat si aki kambuh nyaeta beser, bari nyenyepeng bobogaanana si aki nanyakeun ka incuna "Cu, ari wc dimana, ieu Aki geus teu kuat hayang kiih"
"Tuh itu tuhh nu aya tulisan Toilet"
"lain, eta mah tempat paranti ngahias,"tembal si aki bari rada teugeug ambek kapegung
"ke atuh deuk kapipir toko we kiihna ari euweuh WC mah"
toko sagede kieu teu bisa nyadiakeun wc-wc acan. gerentes si Aki

TELAT NGANGKAT

.

Iwan Rudi Setiawan
Poe ieu di kelas 3 smp Rancabayol, jadwal pelajaran geografi, fisika jeung Biologi.
Guru geografi nerangkeun soal cuaca jeung iklim, bada nerangkeun guru ngecek panguasaan pelajaran
Guru geografi : Kunaon popoean anu garing jadi baseuh
Udin : kahujanan Pak .
Guru Geografi : Salah

Guru fisika nerangkeun soal proses ngaduruk anu nimbulkeun carbon mono-oxide dan di-oxide, guru nanya: "Kunaon roti dina oven bisa tutung?"
Odi (murid pinter) ngajawab "Ayana kajadian pamanasan teuing, anu akhirna O2 dina oven ngabeukahan tungtungna particles O2 anu panas nubruk roti anu ngabalukarkeun rotina ngalaman trauma mintul akhirna roti jadi rada bareuh kahideung hideungan...!"
Guru : Saaalllllah

Jam katilu, Guru Biologi asup, Pak Aman, nerangkeun proses asal muasal reuneuh.Geus beres nerangkeun Pak aman ngalakukeun Post tes:
Pak Aman: "Jadi kunaon awewe bisa reuneuh?"
Achy (Murid anu Capetang): "margi ayana zygote pak, nyaeta papanggihna antara sperma jeung sel telur!" Guru: "Salaaahhhhh!"

Mang Uhe Dagang manuk

Arie Jauhar
Dina poe minggu kamari, mang uhe ka papancenan tugas ti si abah, nyaeta kudu pang ngajualkeun manuk beona anu geus capetang ....

kang uhe : “Mangga bilih bade digaleuh. Ieu mah tos capetang nyaritana.
Upami kubapa dibetot suku kencana, ieu beo bakal nyarita, "Wilujeng enjing, Pa!"

Upami kubapa dibetot suku katuhuna, nyaritana beda deui, "Wilujeng sonten, Pa!"

Mangga saha anu bade ngagaleuh!”
Nu rek Meuli : Upami sukuna di betot duanana, kumaha?
Beo anu ti tatadi ngadengekeun ujug-ujug pok
nyarita : ATUH RAG RAG UINGNA GOBLOOOOOGGG...!!!!

HEUREUY KAMPUNG: Kabogoh Seus Jackly

HEUREUY KAMPUNG: Kabogoh Seus Jackly

Antara Cawokah Jeung Jorang

Dina dunia humor tulisan atawa lisan topik anu sering dipikaresep teh nyaeta topik anu ngeunaan patula-patalina sareng sex. Dina soal ngukapkeuna aya anu vulgar (diungkap keun sacerewelna) aya oge anu di silibkeun atawa dipindingan. Keur urang sunda bijil istilah cawokah atawa jorang.

Naon atuh ari harti cawokah atawa jorang teh "Cawokah" cek kamus LBSS mah hartina teh jorang, porno, resep nyebut kecap-kecap nu kudu dibalibirkeun jeung nyaritakeun sual nu matak ngahudang birahi. Jadi hartina cawokah teh teu beda jeung jorang, sedengkeun "jorang" cek kamus keneh nyaeta sok resep ngucapkeun kecap-kecap nu kotor bisana sok dibalibirkeun, upamana nyebut rarangan.

Ninggali kana harti eta antara Cawokah jeung jorang teu aya bedana, mung dina realitasna karasa pisan bedana. Cek Gibson di Sunda aya dua istilah aya jorang aya cawokah. Hartina beda. Jorang mah konotasina porno, matak muriang saawak-awak, ari cawokah matak seuri, cawokah konotasina guguyon. Cawokah teh bagian tina porno tapi ngagunakeun basa humor dina eusina, atawa humor nu ngagunakeun objek porno. Eta dua kamungkinan teh sarua kuatna.

Cek Gibson dina carita cawokah teu aya niatan ngungkab nu sifatna pornograpi, murni we heureuy. Sigana ieu teh aya kasang tukang atawa aya aspek kultural nu marengan, malah rada aheng lamun urang Sunda teu resepeun cawokah, lir sapopoe teu resep kana jengkol. Dina cawokah aya pola silib, aya pola sindir, teu satarabasna. Analisis Gibson, cawokah teh sacara psikologis mangrupa alternatif keur ngaleungitkeun pornograpi. Cawokah bisa ngurangan kecenderungan pornograpi. Malah bisa jadi nu cawokah teh anti kana pornograpi. Cawokah aya kelasna, nyaeta gumantung deuheus henteuna jeung nu diajak nyarita. Kukituna dina cawokah aya tatakrama, teu bisa sabeledugna, biasana nu silib atawa malibir, ngan dina malibir biasana imajinasi seksualna leuwih jero Sisi lain, bisa jadi cawokah teh ekspresi erotik, pedah alam lingkungan Tatar Sunda mangrupa pagunungan nu hawa tiis, keur ngahaneutan suasana brasna kana carita cawokah.

Jadi kasimpulanna ceuk pamanggih panulis "Cawokah dongeng porno anu make silib atawa malibir, sedengkeun jorang dongeng anu diungkapkeun satarabasna.


Sumber tulisan :Ngaguar cawokah, Laporan Mamat Sasmita, Rumah Baca Buku Sunda, Blogspot.com

Kabogoh Seus Jackly

Hari ini 4 juni 2010 jam 16:25
Seratan ABAH AMIN

Hiji waktu, aya 4 lalaki nu baheulana batur sakelas, reunian di hiji tempat. Maranehna nyaritakeun hirupna ayeuna masing-masing. Hususna ngeunaan anak lalakina nu geus jarunun.

Lalaki 1: "Kumaha yeuh ayeuna, geus sabaraha hiji budak teh?"

Lalaki 2: "Anak mah geus 2. Nu kahiji lalaki ngaranna Uhe. Manehna pas lulus S2 gawe di perusahaan asing. Nu kadua mah awewe, karek lulus SMA, ayeuna rek nuluykeun kuliah. Tah, nu lalaki mah geus lumayan junun. Geus boga jabatan di kantorna ge. Ngan eta euy ku anehna, bapa make motor bekjul ge, si Jang Uhe mah teu boga pikiran hayang pangmeulikan kendaraan keur bapana. Na ari kabogohna mah, minggu kamari karek pangmeulikeun Mercy anyar."

Lalaki 1: "Beuh kitu nya? Ari anak uing mah lumayan loba aya opat. Nu cikal mah lalaki, si Asec, geus jadi pejabat. Nu 3 mah sarakola keneh. Ngan eta saru peditna euy si Asec mah. Bapa boga HP jadul ge, boro-boro hayang panggantikeun ku nu anyar. Na, ari ka kabogohna.... hayang HP nu harga 9 juta ge jug dipahogian."

Lalaki 3: "Sarua atuh. Kuring ge boga anak tilu. Dua awewe, hiji lalaki. ngaranna Sona. Jang Sona mah boga usaha sorangan. Boga Factory Outlet. Ngan eta, bapa hayang arloji Rolex ge meni teu didenge. Na, ari ka kabogohna kamari ulang taun ge, si Jang Sona mah ngado jam tangan ti Paris nu hargana 34 juta!!"

Lalaki 4: "Ari uing mah, boga anak lalaki hiji-hijina. Dibere ngaran gagah: Jack! Ngan eta ti budak keneh resepna teh ulin anjang-anjangan jeung budak awewe. Atuh geus gede teh ngadon jadi feminin. Nepi ayeuna geus gede boga usaha sorangan. Manehna muka salon dihareupeun imah. Malah, ngaranna oge ganti jadi Jacklyn. Tapi, aya ku bageur budak kuring mah. Teu keked mengkeneng ka bapana! Kabogohna ge loba. Balas ku bageur-bageurna, eta kabogoh-kabogohna nu kamari mahogi: Mercy, jam tangan ti Paris, nepi ka HP harga 9 juta... kabeh eta barang teh dibikeun ka uing.